• An Image Slideshow
  • An Image Slideshow
  • An Image Slideshow

Samningar um sóknaráætlanir undirritaðir

Nýir sóknaráætlanasamningar við átta landshlutasamtök sveitarfélaga voru undirritaðir í dag. Samgöngu- og sveitarstjórnarráðherra, mennta- og menningarmálaráðherra og fulltrúar landshlutasamtakanna undirrituðu samningana átta við hátíðlega athöfn í Ráðherrabústaðnum. Grunnframlag ríkisins til samninganna árið 2020 nemur 716 milljónum króna en með viðaukum og framlagi sveitarfélaga nema framlög alls 929 milljónum króna.

f.v. Jóna Árný Þórðardóttir, framkvæmdastjóri Austurbrúar, Sigurður Ingi Jóhannsson, samgöngu- og sveitarstjórnarráðherra og Lilja Dögg Alfreðsdóttir, mennta- og menningarmálaráðherra.

Samningarnir byggja á lögum nr. 69/2015 um byggðaáætlun og sóknaráætlanir og gilda til fimm ára, 2020-2024. Markmið laganna er að efla byggðaþróun og auka samráð milli ráðuneyta á sviði byggðamála, innan hvers landshluta og milli stjórnsýslustiga, jafnframt að færa til sveitarstjórna aukna ábyrgð á sviði byggða- og samfélagsþróunar.

 

Sjá fréttina í heild sinni á vef Stjórnarráðs Íslands

 

Haustþing SSA

Dagana 11. og 12. október sl. var 1. haustþing Sambands sveitarfélaga á Austurlandi (SSA) haldið á Borgarfirði eystri.

Þingfulltrúar haustþings SSA

Þingfulltrúarnir við nýlegt málverk Elínar Elísabetar Einarsdóttur á vegg Búðarinnar á Borgarfirði.

Á þinginu áttu 35 kjörnir fulltrúar sveitarfélaganna sex á Austurlandi sæti. Dagskrá þingsins var með hefðbundnu sniði; fram fóru kynningar, samþykktar voru sameiginlega ályktanir, menningarverðlaun SSA voru veitt og gestur úr hópi sveitarstjórnarmanna heiðraður. Fundinn sátu, auk sveitarstjórnarfólks, flestir þingmenn kjördæmisins.

Fyrri dag þingsins flutti starfsfólk Austurbrúar erindi um verkefnið úrbótagöngu sem unnið er í tengslum við áfangastaðinn Austurland og Sóknaráætlun Austurlands. Þá starfaði sveitarstjórnarfólk í nokkrum nefndum og lagði drög að ályktunum þingsins. Að nefndarvinnunni lokinni voru flutt erindi um eflingu sveitarstjórnarstigsins þar sem sameiningarmál voru í brennidepli.

Heiðursgestur þingsins að þessu sinni var Andrés Skúlason. Andrés er sveitarstjórnarfólki vel kunnur enda starfandi oddviti Djúpavogshrepps til 16 ára. Hann hefur setið í stjórn SSA og fjölda nefnda og stjórna, bæði svæðisbundinna og á landsvísu. Auk þess hefur Andrés látið til sín taka í ýmsum félags- og framfaramálum.

Menningarverðlaun SSA 2019 hlaut Gunnarsstofnun. Stofnun rekur menningar- og fræðasetur á Skriðuklaustri og stendur þar fyrir fjölbreyttri og lifandi menningarstarfsemi allt árið um kring. Gunnarsstofnun hefur verið leiðandi afl í menningarstarfsemi á Austurlandi, allt frá stofnun árið 1997, með kjörorð stofnunarinnar – metnað, framsýni og samstarf – að leiðarljósi.

Fundargerð haustþings SSA 2019

Ályktarnir haustþings SSA 2019

 

Ályktun í samgöngumálum

Stjórn SSA sendi þann 20. ágúst sl. frá sér eftirfarandi ályktun:

Stjórn SSA fagnar niðurstöðu nefndar um göng til Seyðisfjarðar sem ráðherra samgöngumála kynnti í síðustu viku og er í fullu samræmi við ályktanir SSA á aðalfundum undanfarin ár þar sem göng undir Fjarðarheiði hafa verið tilgreind sem forgangsverkefni í jarðgangnagerð. Stjórn SSA hvetur samgönguráðherra og alþingi til að tryggja að framkvæmdir sem nefndin leggur til hefjist á fyrsta tímabili samgönguáætlunar og undirbúningur hefjist strax á næsta ári. Þá er mikilvægt að framkvæmdum ljúki sem fyrst enda mun það leiða til byltingar í búsetuskilyrðum og uppbyggingu atvinnulífs á Austurlandi öllu.

Þá tekur stjórn SSA undir það sjónarmið að skoðaðar verði allar útfærslur á fjármögnun samgöngubóta á Austurlandi, á borð við jarðgöng og veg yfir Öxi, og þeim þannig flýtt.

 

Aðalfundur SSA 2019

53. aðalfundur Sambands sveitarfélaga á Austurlandi var haldinn í Valaskjálf á Egilsstöðum þann 7. maí sl. Fundurinn var í styttra lagi að þessu sinni. Farið var yfir ársreikninga SSA, endurskoðaða fjárhagsáætlun ársins 2019 og fjárhagsáætlun ársins 2020. Kjörið var í stjórn og nefndir SSA.

 

 
Síða 1 af 12
Samband Sveitarfélaga á Austurlandi - Tjarnarbraut 39 - 700 Egilsstaðir - Sími: 470-3810 - Netfang: ssa@ssa.is