• An Image Slideshow
  • An Image Slideshow
  • An Image Slideshow

Menningarverðlaun SSA

Samband sveitarfélaga á Austurlandi (SSA) veitir árlega viðurkenningu; Menningarverðlaun SSA, í samræmi við 9. grein samþykkta sambandsins. Ákvörðun um verðaunahafa er tekin af stjórn SSA að fengnum tilnefningum. Verðlaunin eru afhent á aðalfundi sambandsins.

Verðlaunin eru veitt einstaklingi, stofnun eða samtökum á Austurlandi sem viðurkenning fyrir eftirtektarvert framtak á sviði lista og menningar á liðnu ári (starfsári SSA). Hlutverk verðlaunanna er einnig að vera almenn hvatning til eflingar menningar- og listastarfs í landshlutanum.

Verðlaunin eru í formi heiðursskjals, sem formaður stjórnar SSA undirritar. Verðlaununum fylgir einnig peningaupphæð sem stjórn SSA ákveður hverju sinni.

Veita má fleiri en ein verðlaun hverju sinni, telji stjórn SSA að fleiri en einn aðili hafi skarað fram úr og þannig verðskuldað verðlaunin það ár.  Stjórnin ákveður þá hvort um tvenn eða fleiri aðalverðlaun er að ræða eða ein aðalverðlaun og ein eða fleiri aukaverðlaun. Á sama hátt má fella niður verðlaunaveitingu komist stjórnin að þeirri niðurstöðu að enginn aðili hafi unnið til þeirra.

Stjórn SSA auglýsir eftir tilnefningum til menningarverðlauna ár hvert. Einstaklingar, félög og stofnanir skrásett á Austurlandi eiga rétt á að senda inn tilnefningar en stjórnin er ekki bundin af þeim í ákvörðun sinni um val á verðlaunahöfum.

Veitt menningarverðlaun:

2018 Breiðdalssetur

2017 Torvald Gjerde Fljótsdalshéraði

2016 Smári Geirsson, Fjarðabyggð

2015 Rúllandi snjóbolti, Djúpavogi

2014 Franski spítalinn, Fáskrúðsfirði

2013 Þjóðleikur, Egilsstöðum

2012 Eistnaflug, Neskaupstað

2011 Sigríður Dóra Sverrisdóttir, Vopnafirði

2010 Helgi Hallgrímsson líffræðingur

2009 Hammondhátíð á Djúpavogi

2008 Bræðslan Borgarfirði eystra

2007 Ágúst Ármann Þorláksson tónlistaskólastjóri

2006 Guðjón Sveinsson rithöfundur

2005 Lára Vilbergsdóttir/Hús Handanna

2004 L.UNG.A (Listahátíð ungs fólks, Austurlandi)

2003 Djasshátíð Egilsstaða, Árni Ísleifsson

2002 Brján (Blús, rokk og jassklúbbur) Nesi

2001 Jöklasýning Höfn

2000 Bláa kirkjan

1999 Óperustúdio Austurlands

 
Samband Sveitarfélaga á Austurlandi - Tjarnarbraut 39 - 700 Egilsstaðir - Sími: 470-3810 - Netfang: ssa@ssa.is